طالت غيبتي

حقك عليي، صرلي زمن ما تواصلت و لا مرّيت و لا كتبت ولا حتى حكيت

ما بعرف عم عاقبك ولّا عاقب حالي، بس والله مو قادر إلا أكون بعيد

مشتقلك كثير و عم أحلم أشوفك أكثر، بس هالأيام صار الترقّب بيخوفني و أحياناً بيقتلني

و نسيت كيف بعيش حتى نلتقي، و صار الزمن في الانتظار عدو، و الأيام كوابيس

و صرت اتمنى أفيق شي يوم و ألاقي حالي فجأة معك لأَنِّي أثبتت فشلي في التخطيط

بالمختصر طالت غيبتي يا صديقتي حتى تعودت الغيبة عليي بس وحياتك ما نسيت

………………………..

حقك عليي، صرلي زمن ما تواصلت و لا مرّيت و لا كتبت ولا حتى حكيت

ما بعرف عم عاقبك ولّا عاقب حالي، بس والله مو قادر إلا أكون بعيد

الحقيقة صعب عليي أقبل يللي عم يصير، و أصعب أنّي أفهم ليش أصلاً بيصير

كيف بيتآمر الكل على بلدي، و بيشوهوا الألفة يللي عرفتها فيها، و ما بيشفعلها صغير او كبير

و كيف الاخ بيقتل أخوه، و كيف بيسود الهروب و اللجوء و فوقهم التكفير

و كيف أهداف الحرب بتتبرر بالدفاع أو بالتحرير، و كيف الانتقام بيغلب العقل و التفكير

و بضل بقول بكرا احلى و العالم أكيد بتعقل و بنتظر، بس مافي إلا الحرق و التدمير

مشتقلك كثير و عم أحلم أشوفك أكثر، بس هالأيام صار الترقّب بيخوفني و أحياناً بيقتلني

و نسيت كيف بعيش حتى نلتقي، أصلاً ضاع مكان نلتقي، و صار الزمن في الانتظار عدو، و الأيام كوابيس

و صرت اتمنى أفيق شي يوم و ألاقي حالي فجأة معك لأَنِّي أثبتت فشلي في التخطيط و التحليل

بالمختصر طالت غيبتي يا صديقتي فوطني جريح. طالت غيبتي حتى تعودت الغيبة عليي بس وحياتك ما نسيت

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s